"Нарантуул" худалдааны төвд бүүстер тун хийж, иргэд идэвхитэй хамрагдаж байна

Нийслэл хотын нийт хүн амын 26 хувь нь дархлаа сэргээх нэмэлт тунд хамрагдаад байна.

Сэргээх тунг нийслэл дэх Өрхийн эрүүл мэндийн төвүүдэд харьяалал харгалзахгүйгээр хийж, иргэдийг дархлаажуулж байгаа ч иргэдийн оролцоо хангалтгүй байгааг мэргэжилтнүүд хэлж буй.

Мөн томоохон худалдааны төв, захуудад дархлаажуулалтын түр цэг ажиллуулж эхэлсэн. 

Нийслэлийн хэмжээнд нийт 30 гаруй зах, худалдааны төвд дархлаажуулалтын түр цэг ажиллуулах бөгөөд өнөөдрийн байдлаар 16 газартай гэрээ байгуулж, долоон цэгт дархлаажуулалт хийж байна.

"Нарантуул" захад ажиллаж буй дархлаажуулалтын цэгээс мэдээлэл бэлтгэлээ.