Улаанбаатар төмөр зам ХНН-ийн даргаар Х.Хэрлэнг томилжээ

Улаанбаатар төмөр зам хувь нийлүүлсэн нийгэмлэгийн дарга Д.Жигжиднямаа өнгөрсөн долдугаар сард харамсалтайгаар нас барсан. Тус газрын даргаар хэн томилогдох нь тодорхойгүй Орос, Монголын тал уулзсан ч ОХУ-ын талаас Орос хүн томилох санал дэвшүүлсэн бол манай улсаас Монгол хүн томилох санал дэвшүүлж уулзалт үр дүнгүй болоод байсан юм. 

Тэгвэл  Улаанбаатар төмөр зам хувь нийлүүлсэн нийгэмлэгийн Ерөнхий хорооны ээлжит хуралдаан өнөөдөр /2021.11.30/ болжээ. Хурлаар УБТЗ-ын даргын томилгоог хэлэлцсэн байна.

УБТЗ-ын даргаар Х.Хэрлэн томилогдон ажиллахаар болжээ. Х.Хэрлэнг Монголын Засгийн газраас санал болгосон бөгөөд Ерөнхийлөгч У.Хүрэлсүхийн ойрын хүн гэгддэг.

Х.Хэрлэн гэж хэн бэ? 
Товч намтар:

• 1975-1985 онд Хэнтий аймгийн Өндөрхаан хотын ерөнхий боловсролын сургууль
• 1985-1991 онд Политехникийн дээд сургууль
• 1999-2001 онд МУИС-ийг Эрх зүйч 
• 2009 онд ШУТИС-д магистрын зэрэг хамгаалжээ

Ажилласан жилийн туршлага:

• 1991-1992 онд Барилгын зургийн институтэд Зургийн техникч
• 2000-2006 онд АМХЭГ-т Кадастрын албаны дарга
• 2006-2007 онд Үйлдвэр, худалдааны яаманд Хөнгөн үйлдвэрийн газрын орлогч дарга
• 2007-2010 онд “Эйч Ти Эм” ХХК-ийн Захирал
• 2010-2012 онд ТӨХ-ны Төрийн өмчийн удирдлагын газрын дарга
• 2012 оноос “Эйч Ти Эм” ХХК-ийн Захирал
• 2016-2017 онд Монголын төмөр зам ТӨХК-ийн гүйцэтгэх захирал
• 2017 оноос АМГТГ-ын даргаар тус тус ажилласан нэгэн.