БНСУ-д дунд сургуулийн нэгдүгээр ангийн сурагч /Монголын долдугаар анги/ 13 настай Монгол охиныг дөрвөн солонгос охин зургаан цаг гаруй хугацаанд хүлж, зодож, хүчээр архи уулгасан хэрэг гарсан. Энэ асуудалд Монголчуудын зүгээс анхаарлаа хандуулж байна. БНСУ-ын хоёр сурагч охин нь насанд хүрээгүй тул хуулийн хариуцлага хүлээхгүй хэмээн тус улсын цагдаагийн газар хоёр охиныг хариуцлагаас чөлөөлсөн юм.
Монголчууд энэ хэрэгт буруутай дөрвөн хүүхэд хуулийн хариуцлага хүлээх ёстой хэмээн шаардаж БНСУ-ын Ерөнхийлөгчид хандан хүсэлт гаргаж https://www1.president.go.kr/сайтад санал цуглуулж эхлээд байна.
Мөн өнөөдөр Монгол улсад суугаа БНСУ-ын элчин сайдын яамны зөвлөх Ким Чол Сан хэвлэлийнхэнд мэдээлэл өглөө. Энэ үеэрээ тэрбээр "Манай хоёр улс 30 гаруй жилийн түүхтэй дипломат харилцаатай улс. Энэ үед ийм харамсалтай хэрэг гарсанд дипломат ажилтныхаа хувиар харамсаж байна. БНСУ-ын засгийн газрын зүгээс хэргийг түргэн шуурхай, шудрагаар шийдэгдэх тал дээр ажиллана. Мөн Монгол сурагчийн гэр бүл болон түүний аюулгүй байдалд БНСУ-ын Засгийн газар анхаарлаа хандуулж байгаа" Солонгос улсад Монгол Улсын 40 гаруй мянган иргэн ажиллаж, амьдарч байгаа юм. Энэ бол бага тоо биш бөгөөд эдгээр хүний ажиллаж амьдарч буй нь хоёр улсын харилцааг гүнзгийрүүлэн хөгжүүлэхэд маш чухал үүрэг гүйцэтгэж байгаа. Цаашид хоёр улсын иргэд төдийгүй Засгийн газрын түвшинд найрсаг харилцаа үргэлжлэн хөгжинө гэдэгт итгэлтэй байна хэмээн мэдээллэв.
Монгол улсад суугаа БНСУ-ын элчин сайдын яамны гадаа цугласан иргэд БНСУ-ын зүгээс Монгол охин болон гэр бүлээс нь уучлал гуйхыг шаардаж байгаагаа илэрхийллээ.
Сэтгэгдэл (0)
Сэтгэгдэл бичигдээгүй байна