2022/05/24
USD 2,811

Эрээн- Замын Үүдийн хилийн боомтоор ачаа тээвэр нэвтэрч эхэллээ

Н.Мижидмаа
2021/12/12

Цар тахлын нөхцөл байдлаас шалтгаалан Хятад улс халдвар дамжихаас сэргийлэх зорилгоор Эрээн хилийн боомтоор гаргах экспорт, импортын ачаа барааг хүний (жолоочийн) оролцоогүйгээр явуулах, чингэлэг тээврээр татан авах, гаргах шийдвэр гаргасан. Энэ дагуу манай улс Эрээнтэй хиллэдэг Замын-Үүд боомт дээр чингэлэг тээврээр ачаа барааг татан авах, гаргах ажлын зохион байгуулах бэлтгэлийг бүрэн хангасан.

2021 оны 12 сарын 11-ний өдрөөс эхлэн халдвар хамгаалын шинэ зохион байгуулалт дор хоёр улсын хилээр ачаа бараа, Эрээн боомтод ачаатай байгаа 150 автомашин, хилийн дундын бүсэд саатсан манай улсын иргэдийн өмчлөлийн ачаатай болон ачаагүй 28 автомашин, хятад улаас худалдан авсан ч хил дээр хүлээгдэж байсан уул уурхайн 10 хүнд машин механизм, жип ангилалын шинэ 16 автомашинуудыг хилээр нэвтрүүлэх ажлыг эхлүүлээд байна.

Эхний ээлжинд Эрээн хотод түр саатсан манай улсын иргэдийн эзэмшлийн 150 ачааны автомашин, уул уурхайн машин механизмаас өчигдөр Хятадын талаас хилийн 0 цэг дээр байршуулсныг хүйтний улиралтай холбогдуулан манай хил гаалийнхан аль болох цаг алдалгүй шуурхай зохион байгуулж ажиллан шөнийн 23:00 цаг хүртэл Замын-Үүдээр нэвтрүүлсэн байна.

Өнөөдөр маргаашдаа багтаан үлдсэн ачааны машин, өөрөө явагч механизмыг энэ журмаар татан авч дууссаны дараа цаашдаа өдөрт 50 ачаатай чингэлэгийг хоёр талын хилийн боомтоор гаргах, байнгын ажиллагаанд оруулах байдлаар ажиллах юм.

Ийнхүү цөөнгүй хоног саатсан ачаа бараа, машин механизм, техник тоног төхөөрөмж Эрээн-ЗамынҮүдийн боомтоор нэвтэрч эхэлсэн талаар Шадар сайдын ажлын албанаас мэдээллээ.


Сэтгэгдэл (8)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.126.90.118
Хил нээгдээгүй байгаа биз дээ. Олон худалдаачид ямар ч бараагүй байж түрээс төлж, банкны зээл төлж байна энэ асуудлыг шийдэх зохицуулах арга хэмжээ авч байгаа газар байна уу
Хариулах
66.181.161.74
Тэр олон жийп дампнууд монголд тийм нэн шаардлагатай хойшлуулашгүй яаралтай оруулах ямар хэрэгтэйн ачаатай машинуудаа эхэлж татахгүй шөнө дөлөөр тэднийг оруулдаг ямар нэгэн НО луйвар явж байх шигээ ард нь нэг олигархи л байгаа даа тэднийг хархаараа хил гааль хууль хүчний байгуулга бүгд сөгдөөстэй арга ч үгүй байх мөнгөөр угжуулаастай
Хариулах
66.181.161.67
Zarig hamgiin muu boljdee mung avdag bhaa ugna gaigui unenii tuluu baidag baisan
Хариулах
103.229.120.135
Hedii boltol oorsdoosoo teneg gej bodhiin boldooo sdaa
Хариулах
202.126.89.68
урд байгаа ачаатай машинаа гаргаад чингэлэг солилцох тээврийг үргэлжлүүлэх эсэх нь тодорхойгүй гэж байсан даа. энэ зариг ямар нэгэн бүлэглэлийн эрх ашгийн үүднээс мэдээ оруулдаг байдлаа болимоор байна шүү
Хариулах
66.181.161.52
Shal hudlaaa
Хариулах
66.181.161.120
Хөөрхий дөө мэдээлэлж байгаа мэдээлэлсэн хоёр таарч ямарч үнэн юм алга
Хариулах
59.153.86.30
Хэдэн хоосон машин нэвтрүүлчээд их ажил хийсэн юмшиг ярих юмаа
Хариулах