Онцгой байдлын алба хаагч ослын улмаас харамсалтайгаар амь насаа алдсан. Талийгаачийн ар гэрийнхэн өнөөдөр мэдээлэл хийлээ.
Талийгаачийн төрсөн дүү Э.Нандинчимэг: Ж.Одгэрэл гэгч бүсгүйг ахыг маань нас барсан өдөр л анх харсан. Тэрнээс өмнө огт хараагүй, ах маань хоёр сарын өмнө л найз бүсгүйтэй болсноо надад утсаар хэлсэн. Би тэр эмэгтэйг уй гашууг маань хуваалцаж аав, ээжийг минь түшээд суух байх гэж бодсон ч эсрэгээрээ бидэн рүү дайрсан мэдээллийг олон нийтэд тарааж байгаа нь хүнд цохилт болсон учраас ингэж нийтийн өмнө гарч хэлэхээс өөр аргагүйд хүрлээ.Тэр эмэгтэй “Төрсөн дүү нь зодсон, одон медалийг нь шидсэн” гэж ярьсанд залруулга хиймээр байна. Хэзээ ч манай удамд тэгэх хүн байхгүй. Тэр тусмаа буяны ажилтай ийм үед ямар ч хүн тэгэхгүй гэдгийг хүмүүс ойлгоосой гэж хүсч байна.
Талийгаачийн нагац: Талийгаач дүүгийн минь хайрлаж байсан хүн нь гэж бодож бид нээлттэй харилцаатай байхыг хүссэн нь тэр хүн бүр эсрэгээрээ яваад байна.Ж.Одгэрэл гэгч бүсгүйг судлахад, сошиалаар хоёр жилийн өмнөөс ямар нэг сенсаци үүсгэж байсан хүн байна лээ.
Сэтгэгдэл (0)
Сэтгэгдэл бичигдээгүй байна