ОБЕГ: Үүрэг чиглэл өгсөн хэлтсийн даргыг ажлаас чөлөөлж, НОБ-ын даргад сахилгын шийтгэл ноогдуулсан

Онцгой байдлын албан хаагчийн амь насаа алдсан асуулаар Онцгой байдлын ерөнхий газрын дарга, хошууч генерал Г.Ариунбуян мэдээлэл хийлээ. Тэрбээр "Улиастайн эргэдэг уулзварт аяны хүрээнд самбар дээрх хэвлэмэл материал буулгах явцдаа золгүйгээр нас барсан хэрэг гарсан. Тухайн самбар Цагдаагийн байгууллагад хамааралгүй, сурталчилгааны зориулалттай самбар байсан. Энэхүү харамсалтай үйл явдал гарсанд Онцгой байдлын алба, нийт бие бүрэлдэхүүний нэрийн өмнөөс талийгчийн ар гэр, эхнэрээс гүн эмгэнэл илэрхийлж, уучлалт хүсье. Энэ үйл ажиллагаатай холбогдуулан Шадар сайдаас үүрэг чиглэл өгсөний шалгаж байгаа. Тухайн үед үүрэг чиглэл өгсөн Баянзүрх дүүргийн Онцгой байдлын хэлтсийн даргыг үүрэгт ажлаас чөлөөлж, Нийслэлийн Онцгой байдлын даргад сахилгын шийтгэл ноогдуулжээ. Мөн самбар буулгах явцад ажиллаж байсан албан хаагчид Цагдаагийн байгууллагад шалгагдаж байгаа учраас шалгалтын эцсийн дүгнэлт гарах хүртэлх хугацаанд албанаас түр түдгэлзүүлж, талийгчийн ар гэрийнхэнд нэг удаагийн буцалтгүй тусламж олгохоор ажиллаж байгаа" хэмээн хэлэв.