“Хөвсгөл Шинэ-Үе” клуб Дээд лигт цахиур хагалж, тамирчдаас Үндэсний шигшээ багт дуудагдлаа

Монголын Волейболын холбооны үндэсний дээд лигийн аварга шалгаруулах тэмцээн өнгөрсөн аравдугаар сард эхэлж, хоёр сарын турш ширүүн өрсөлдөөнтэй явагдаж өндөрлөлөө. Энэ удаагийн Дээд лигт Хөвсгөл аймгийн баг, тамирчид спорт сонирхогч олны анхаарлын төвд байж, хоймор нутгаас хүчтэй, шинэ залуус цойлон гарч ирж байгаа нь тэмцээнийг улам сонирхолтой, өрсөлдөөнтэй болгов. Тодруулбал, Дээд лигт анх удаа оролцож байгаа "Хөвсгөл Шинэ-Үе" клубын баг тамирчид Дээд лигийн гурван удаагийн аварга"Энагурэ" багийг 3:0-ын харьцаатай хожсон нь жинхэнэ шуугиан тарьж орхилоо.

удаа оролцож байгаа “Хөвсгөл Шинэ-Үе” клубын баг тамирчид Дээд лигийн гурван удаагийн аварга “Энагурэ” багийг 3:0-ын харьцаатай хожсон нь жинхэнэ шуугиан тарьж орхилоо. Дээд лигийн үүдээр дөнгөж алхаж орж ирж байгаа “багачууд” олон жилийн туршлагатай тамирчдаас бүрдсэн багийг хожиж, бусадтай нь ан ман үзэлцэж эхэлсэн нь “ах захаа алдсан” явдал байв. “Хөвсгөл Шинэ-Үе” клубын тамирчдын дундаж нас ердөө 19 юм. Эндээс шинэ, залуу тамирчид болохыг харж болно.

Спортын мастер Б.Болдбаатарын дасгалжуулалтаар бэлтгэлээ хангаж ирсэн “Хөвсгөл Шинэ-Үе” клубын чансааг илтгэх хамгийн баярлууштай үйл явдал бол тус клубээс хоёр тамирчин Үндэсний шигшээ багийн бүрэлдэхүүнд дуудагдсан явдал байв. Тодруулбал, Үндэсний шигшээ багт Н.Мөнхзаяа, Ц.Орхон нар дуудагдаж, тив дэлхийд Монгол Улсаа төлөөлөн өрсөлдөх тамирчдын бүрэлдэхүүнд багтсан юм.

Түүнчлэн, “Хөвсгөл Шинэ-Үе” клубын нэрэмжит шагналыг Хөвсгөл аймгийн Их-У6ул сумын харьяат Сүхээгийн Нямсүх хүртэж, баяр дээр баяр нэмлээ.