Архангай аймагт усанд явахаар гарсан эмэгтэй сураггүй алга болжээ

 Архангай аймгийн Цэцэрлэг сумын Чулуут багийн “Хужирт булан” гэдэг газар /аймгийн хойд зүгт 297 км, сумын төвөөс баруун хойд зүгт 90 км/-т Иргэн Г/37 настай, эмэгтэй, хөгжлийн бэрхшээлтэй/ 12.19-ний өдрийн 12:00 цагийн үед гэрээсээ усанд явна гэж гараад сураггүй болсон тухай дуудлагыг 12.20-ны өдрийн 10:35 цагт хүлээн авсан. Тус аймгийн Онцгой байдлын газрын Эрэн хайх, аврах бүлгийн алба хаагчид 12.20-ны өдрийн 297 км замыг туулан 22:47 цагт Цэцэрлэг сум Чулуут багийн Хужирт булан гэдэг газар очсон. 12.21-ний өдрийн 08:00 цагт эрэн хайх ажиллагааг эхлүүлнэ. Орон нутгийн иргэд “Идэр”-ийн гол орчмоор эрэн хайх ажиллагааг зохион байгуулсан.

Эх сурвалж: ОБЕГ