Хуучин оноо үдэж, шинэ оноо угтаж буй баярын энэ өдрүүдэд хамгийн эрэлт хэрэгцээтэй зүйл бол бүсгүйчүүдийн шинэ жилийн даашинз билээ. Тиймээс энэ удаагийн сурвалжлагаар бүсгүйчүүдэд хамгийн хэрэгтэй гоёлын даашинзны үнэ ханш ямар байгаа талаар сурвалжиллаа.
“САНДЭЙ” ТӨВИЙНХӨН ДААШИНЗАА 50-200 МЯНГААР ҮНЭЛЖЭЭ
Томоохон худалдааны төвүүдэд худалдаалж буй гоёлын даашинзны үнэ ханш ямар байгааг сонирх “Сандэй” худалдааны төв болон “ Бөмбөгөр худалдааны төвийг зорилоо. Энд гоёлын даашинз 50-200 мянган төгрөгийн үнэтэй байв. Энэ жил худалдан авалт маш муу байгаа гэдгийг ч худалдагч нар хэлж байна.
ТУРКЭЭС ОРЖ ИРСЭН ГЭГДЭХ ДЭЭРХ ДААШИНЗУУД 230-400 МЯНГАН ТӨГРӨГИЙН ҮНЭТЭЙ
Насны онцлогоосоо хамаарч сонголт нь өөр өөр байдаг. Урт, торгомсог материалтай, шигтгээ болон бусад гоёлын оруулгатай даашинзуудыг 45-аас дээш насныхан сонгодог байна. Туркээс орж ирсэн гэгдэх дээрх даашинзууд 230-400 мянган төгрөгийн үнэтэй.
ИРГЭД ДААШИНЗ АВАХААСАА ИЛҮҮТЭЙГЭЭР ПОРКАТЛАХЫГ ИЛҮҮД ҮЗЭЖ БАЙНА
Худалдагчид хэлэхдээ 2020 оны шинэ жилийн баярт зориулж авчирсан загваруудаа одоо гаргаж зарж байгаа нь энэ гэнэ. Учир нь, өнгөрсөн жил хөл хорионы улмаас тэд бараагаа зарж чадаагүй. Одоо өдөртөө хамгийн ихдээ 3-2 даашинз зарж байна. Бүсгүйчүүдийн хувьд ихэнх нь 150 мянган төгрөгийн даашинзыг худалдаж авч байгаа бол 400 мянган төгрөгөөс дээш үнэтэй даашинзыг сонгох нь цөөхөн байгааг худалдагч хэлж байсан юм.
Бөмбөгөр худалдааны төвийн худалдагчаас плажны үнэ болон худалдан авалт хэр байгаа талаар тодруулав.
Иргэдийн худалдан авалт хэр байна вэ?
-Иргэдийн худалдан авалт маш муу байна
Өдөр хичнээн даашинз зарж байна?
-Өдөрт хамгийн ихээр зарлаа гэхэд 3 ширхэг даашинз зарж байна. Заримдаа зарагдахгүй байх тохиолдол гардаг.
Үнийн хувьд хэдээс хэдэн төгрөгийн хооронд зарагдаж байгаа вэ?
-Үнийн хувьд 50-200 мянган төгрөгийн хооронд зарагдаж байна. Иргэд ихэвчлэн 200 мянган төгрөгийн хооронд плаж худалдан авч байна. Иргэдийн хувьд даашинз авахаасаа илүү поркатлах сонирхол их байна. Өдөрт дунджаар 10 хүний 9 нь поркатлах уу гэж асуудаг.
Сэтгэгдэл (0)
Сэтгэгдэл бичигдээгүй байна