“Гоожингийн өндөр”-ийг түүх, соёлын үл хөдлөх дурсгалын жагсаалтад багтаах санал гаргав


Нийслэлийн ИТХ-ын өнөөдрийн ээлжит хуралдаанаар Дүүргийн хамгаалалтад байх түүх, соёлын үл хөдлөх дурсгалын жагсаалт батлах асуудлыг хэлэлцлээ.

Соёлын өвийг хамгаалах хуулийн дагуу түүх, соёлын үл хөдлөх дурсгалын улсын үзлэг, тооллогыг 2015 онд зохион байгуулсан. Уг тооллогоор нийслэлийн нутаг дэвсгэрт 217 дэсийн 479 дурсгалыг бүртгэн Соёлын өвийн мэдээллийн санд оруулжээ. Хуулийн дагуу эдгээр түүх, соёлын үл хөдлөх дурсгалаас дүүргийн хамгаалалтад авах шаардлагатай жагсаалтыг боловсруулсан байна. Жагсаалтад хөшөө дурсгал, эртний булш, цогцолбор, баримал, байшин зэрэг 144 түүх, соёлын үл хөдлөх дурсгал багтжээ.

Энэ талаар өмнө нь Нийслэлийн ИТХ-ын Хүний хөгжлийн хороогоор хэлэлцсэн бөгөөд тус хорооноос санал дүгнэлт гаргасан байна. Санал, дүгнэлтийг Хүний хөгжлийн хорооны дарга П.Наранбаяр танилцуулав.

Тэрбээр Соёлын өвийн тухай хуулийн дагуу болон манай улсын нэгдэн орсон олон улсын конвенц, баримт бичгийн хүрээнд Монгол Улс соёлын өвд хүндэтгэлтэй хандах үүрэгтэйг тодотголоо. Улмаар дэлхийн улс орнууд түүх, соёлын өвөө хамгаалах, хадгалах, анхны хэлбэрээр нь сэргээн засварлахад ихээхэн анхаарч, үүнд аялал жуулчлалын бодлогоо уялдуулан орлогын бас нэгэн эх үүсвэр болгон ашиглаж буйг онцолсон юм. Тиймээс Соёлын өвийн тухай хуульд заасны дагуу соёлын өвийг хамгаалах тусгайлсан төлөвлөгөө боловсруулж ажиллах, түүхэн ач холбогдолтой буюу иргэн, аж ахуйн нэгжийн эзэмшилд байх боломжгүй өвийг бүртгэн авч, баталгаажуулах, нийслэл дүүргийн хамгаалалтад байгаа түүх соёлын өвийг нийслэлийн аялал жуулчлалын бодлоготой уялдуулан ашиглах саналыг тусгасан байна.

Хэлэлцэж байгаа асуудалтай холбогдуулан Нийслэлийн ИТХ-ын Төлөөлөгч Л.Отгонбаатар Баянзүрх дүүргийн 13 дугаар хороонд буй “Гоожингийн өндөр”-ийг түүх, соёлын үл хөдлөх дурсгалын жагсаалтад багтаах саналыг гаргав. Ерөнхий сайд Т.Намнансүрэнгийн амьдарч байсан хоёр давхар барилга нийслэлийн хамгаалалтад буй бөгөөд өмчлөгчийн асуудал нь холбогдох газраар хянагдаж байгаа аж.

Улмаар Дүүргийн хамгаалалтад байх түүх, соёлын үл хөдлөх дурсгалын жагсаалт батлах тухай тогтоолын төслийг Төлөөлөгчид дэмжлээ. Нийслэлийн ИТХ-ын хуралдаан үргэлжилж байна.

 

Эх сурвалж: Нийслэлийн ИТХ-ын ХМОНХТ



0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
​Алдарт Yoshinoya сүлжээ тав дахь салбараа ITC төвд нээлээ 59 минутын өмнө
Ц.Оюунсүрэн: Миний хань О.Гантулга, дүү Ц.Содномдоржтой улсын наадамд хоёр удаа таарч барилдсан 1 цагийн өмнө
Дуу цахилгаантай бага зэргийн аадар бороо орно 1 цагийн өмнө
​ Шинэ хоршоо хөдөлгөөнд хамрагдсан малчид улсын төсөвт 500 гаруй сая төгрөгийн татварын орлого төвлөрүүлсэн байна 14 цагийн өмнө
Имарт (Скай Хайпермаркет ХХК) Монгол Улсын ТОП-100 аж ахуйн нэгжээр дахин шалгарлаа 17 цагийн өмнө
Элчин сайдын яам, дипломат төлөөлөгчийн газрын байр, түүний ойр орчимд дрон нисгэхийг хориглоно 18 цагийн өмнө
Ой, хээрийн гал түймэртэй тэмцэх, шуурхай хариу арга хэмжээ авахад шаардлагатай 6,7 тэрбум төгрөгийг Засгийн газрын нөөц сангаас гаргана 19 цагийн өмнө
“Шунхлай" группийн 8 компани “ТОП-100” ААН-ээр шалгарч өмнөх амжилтаа бататгав 19 цагийн өмнө
Т.Аубакир: Тэтгэврийн зээлийг 100 хувь олгох шийдвэрийг өнөөдөр гаргалаа 20 цагийн өмнө
Танилц: Үндэсний их баяр наадмын хөтөлбөр 20 цагийн өмнө
Улаанбурхан өвчний 902 тохиолдол гэрээр эмчлүүлж байна 20 цагийн өмнө
Тайзанд даруулсан хүүхдүүд болон нэг иргэн хөнгөн гэмтжээ 21 цагийн өмнө
137,740 өрх үерт өртөх эрсдэлтэй байна 21 цагийн өмнө
МИАТ ТӨХК Шанхай чиглэлийн нислэгээ нээлээ Өчигдөр
Нийт нутгийн 51 хувь гантай, гандуу байна Өчигдөр
Унадаг дугуйтай бага насны хүүхэд ачааны машинд дайруулж амь насаа алджээ Өчигдөр
Засгийн газар ээлжит бусаар хуралдана Өчигдөр
​Дундговь, Өвөрхангай аймагт газар хөдөлсөн байна Өчигдөр
Улаанбаатарт бага зэргийн бороо орно Өчигдөр
MONGOLIA FASHION WEEK- 2025: Хувцас үйлдвэрлэл, загварын салбарын алсын харааг хамтдаа тодорхойлъё Өчигдөр