2022/05/18
USD 2,811

Өмнөд Солонгост өршөөлийн хуулиар нэг экс Ерөнхийлөгч, нэг экс Ерөнхий сайдыг суллана


БНСУ-ын эрх баригчид авлига, эрх мэдлээ хэтрүүлсэн хэргээр 22 жилийн ял эдэлж буй Ерөнхийлөгч асан ПакКын Хе-г хугацаанаас нь өмнө суллахаар болсон тухай “Yonhap” агентлаг мэдээлжээ.

 Тус мэдээнд өгүүлснээр шинэ жил, Зул сарын баярыг тохиолдуулан ял хэлтрүүлж хугацаанаас нь өмнө суллах хоригдлуудын жагсаалтад дөгөө 69 настай Пак Кын Хе-ийн нэр багтсан тул суллагдах нь баталгаатай болсон. Экс Ерөнхийлөгч шоронд байхдаа 2019 онд мөрөндөө хагалгаа хийлгэж, энэ жил шоронд байхдаа мөр ба нуруугаар нь хүчтэй өвдсөн тул гурван ч удаа эмнэлэгт хэвтэж гэх мэтээр эрүүл мэнд нь таагүйтсэн нь хугацаанаас нь өмнө суллах гол үндэслэл болсон юм байна.

 Пак Кын Хе нь Ерөнхийлөгч байхдаа найз Чхве Сун Сильгэгчийн нөлөөнд орж, улс төрийн чухал ач холбогдолтой, нууцын зэрэглэлтэй асуудал дээр шийдвэр гаргах гээд алхах гишгэх бүрдээ найзынхаа үгээр явдаг гэдгийг Өмнөд Солонгосын сонин хэвлэлийнхэн янз бүрийн баримтаар нотолсон байдаг. Ингээд зогсохгүй Чхве Сун Силь нь Ерөнхийлөгчид нөлөөлнө гэсэн болзолтойгоор өөрийн мэдлийн сангуудад олон арван сая долларын хандив өргүүлж байсан нь ил болсон зэрэг нь Пак КынХе-г Ерөнхийлөгчийн суудлаас нь буулгаж, эрх мэдлээ хэтрүүлсэн хэргээр яллах үндэслэл болсон юм.

 Ийнхүү экс Ерөнхийлөгч удахгүй суллагдах нь дараа жилийн гуравдугаар сард болох Ерөнхийлөгчийн сонгуульд багагүй нөлөө үзүүлж магадгүй тухай Өмнөд Солонгосын улс төрийн шинжээчид мэдээлсэн байна. Учир нь, одоо сөрөг хүчин болж байгаа “Иргэний хүч” намын төв болсон Тэгү хот, Кёнсан-Пукто мужид ПакКын Хе нь ихээхэн нэртэй хэвээр байгаа юм байна.

 Мөн энэ оны эцсийн өршөөлөөр экс Ерөнхийлөгчөөс гадна Ерөнхий сайд асан Хан Мён Сук-ийг хугацаанаас нь өмнө суллахаар болсон юм байна. Хан Мён Сук нь Ерөнхийлөгч Но Му Хёны үед 2006-2007 онуудад Ерөнхий сайдын албан тушаал хашиж байсан юм. Түүнийг улс төрийн зорилгоор их хэмжээний мөнгө хууль бусаар авсан хэргээр ялласан. 

 Ийнхүү нэг Ерөнхийлөгч асан, нэг Ерөнхий сайд асан эрх чөлөөтэй болж байгаа ч бас нэг Ерөнхийлөгч асан болох Ли Мён Бак нь өршөөлийн хуульд хамрагдалгүй ял эдэлсэн хэвээр үлджээ.


Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
139.5.216.37
Ter orshoold hamragdaaguin Mongolin avilgach gazar nutgaa zaragch luivarchin Ih hurlin gishuun Hurelbaataraas avsan koreagiin eronhiilogch asan. Mongold ih hurlin gishuun, koread shorongiin yltan. Hurelbaatariig AH ylj, hergiin ilruulj shorond n amraah hataah heregtei.
Хариулах
2601:1c2:5100:afb0:95c4:82d:ef15:f103
Mongoliin hulgaich erunhiilugch nariin hajuud barag hereg hiigeegui hun.
Хариулах
192.82.67.153
Ли мён бак бас л күн шүү
Хариулах
203.91.115.54
Odoo baigaa yeronhiilogch ni hezee shorond oroh bol kkk
Хариулах