2022/05/19
USD 2,811

Япон Бээжингийн Олимпод бойкот зарлахгүй

О.Шүрэнцэцэг
2021/12/24

Япон нь Бээжингийн тоглолтод ямар нэг байдлаар бойкот зарлахгүй ч Засгийн газрын төлөөлөл сайд, өндөр албан тушаалтнуудыг явуулахгүй байхаар шийджээ.

 Японы сайд нарын танхимын Ерөнхий нарийн бичгийн дарга Хироказу Мацуно энэ талаар мэдэгдэл хийхдээ “Бид Бээжин рүү Засгийн газрын төлөөлөл явуулах төлөвлөгөөгүй байна. Гэхдээ Бээжингийн Олимп дээр Токиогийн Олимпын зохион байгуулах хорооны тэргүүн Хасимото, Японы Олимпын хорооны тэргүүн Ямаситанар байлцана. Түүнчлэн Паралимпын тоглолтын үеэр Паралимпын хорооны тэргүүн Мори Бээжин орно” гэжээ.

 Гэхдээ Бээжин рүү Засгийн газрын төлөөлөл явуулахгүй байх шийдвэрээ дипломат бойкот биш болохыг онцолсон байна. Тэрээр “Япон нь бие даан шийдвэр гаргасан. Манай төлөөлөгчдийн Бээжингийн тоглолтод оролцохтой холбоотойгоор бид өвөрмөц нэр хэллэг ашиглах сонирхолгүй байна. Миний л мэдэж байгаагаар АНУ-ын зарлаад байгаа шиг “дипломат бойкот” гэсэн нэр томъёогбид ер ашигладаггүй гэжээ.

 Судлаачдын онцолж байгаагаар дараа жил Япон ба БНХАУ-ын хооронд дипломат харилцаа тогтоосны 50 жилийн ой болно. Ийм нөхцөлд Токио нь АНУ дагаад Олимп руу төлөөлөгчдөө бүрмөсөн явуулахгүй гэвэл Бээжингийн зүгээс хатуу хариу арга хэмжээ авч магадгүй тул Японы ийнхүү нэг талаас Засгийн газрын бүрэлдэхүүнд багтдаг өндөр албан тушаалтан нэгийг ч явуулахгүй байснаар АНУ-тай санаа нэг, нөлөө талаас спортын салбарт нэр хүндтэй албан тушаалтан явуулснаар бойкот зарлаагүй гэдгээ Бээжинд харуулсан шийдвэр гаргаж байгаа аж.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна