БШУ-ны сайд Л.Энх-Амгалан: 2022 оны нэгдүгээр сарын 1-нээс багш нарынхаа суурь цалинг нэмэх ёстой гэж үзсэн. Суурь цалин нь нэмэгдэж байж суурь цалинд үндэслэн бодогддог нэмэгдлүүд нь багш нарын гар дээр юм болж очно.Тийм учраас үр дүнд суурилсан гүйцэтгэлийн урамшууллыг нь цалингийн нэг хэсэг болгоно. Багш нарын дундаж цалин 720 мянган төгрөг биш хамгийн багадаа нэг сая төгрөгөөс эхэлдэг, үүн дээрээ бусад нэмэгдлүүдээ аваад явчих боломж байгаа. Тэгэхээр нэгдүгээр сарын 1-нээс багшийн цалин учиргүй их нэмэгдэх гэж байгаа юм шиг хүлээлт үүсгэж болохгүй.Учир нь Засгийн газраас Төрийн үйлчилгээний албан хаагчдынхаа цалингийн доод жишгийг нэмэгдүүлж баталъя л гэж байгаа юм. Тэр жишээн дээр багш нарын цалингийн хамгийн доод жишиг нь 1 сая төгрөг байхаар төсөөлөл бий.Багш нартаа нэмж хэлэхэд энэ нэг сард та бүхний хуучин авч байсан цалин дээр үр дүнгийн урамшууллыг шингээж өгөх учраас одоо авах цалин дээрээ дахиж үр дүнгийн урамшуулал нэмж авна гэдэг хүлээлт байж болохгүй шүү.
-10°C
Сэтгэгдэл (7)