ХӨГЖЛИЙН БАНК: Х.Ганхуяг 33 тэрбум төгрөгийн зээлээс 1.4 тэрбумын эргэн төлөлт хийжээ

Хөгжлийн банкны чанаргүй зээлдэгч нарын нэг Вертекс майнинг партнер ХХК-ийн 33 тэрбум төгрөгийн зээлээс 1.4 тэрбум төгрөгийн эргэн төлөлт хийгджээ. Уг зээлд нэр холбогддог УИХ-ын гишүүн Х.Ганхуяг, Г.Амартүвшин, Г.Дамдинням нар өөрсдийгөө зээл авахад нөлөөлөөгүй гэж байгаа ч уг зээлд холбоотой болох нь баримтаар нотлогддог юм. 

 
Тодруулбал, Г.Амартүвшин Хөгжлийн банкны гүйцэтгэх захирлаар ажиллаж байхад зээлийн шийдвэр гарсан бөгөөд түүнийг ажлаа өгснөөс хэдхэн хоногийн дараа зээл олголт хийгдсэн байдаг. Х.Ганхуягийн хувьд түүний төрсөн эгч Х.Хашчимэг “Вертекс майнинг партнер” ХХК-ийн гүйцэтгэх захирлаар ажилладаг бол Г.Дамдинням гишүүний хувьд тус компанийн хувьцаа эзэмшигч байсан бөгөөд компанийн бүртгэлээс хасалт хийлгэсэн байдаг юм.