Б.Бат-Эрдэнэ: ​Дорноговь аймгийн Мандах суманд үүсээд байгаа нөхцөл байдал руу ажлын хэсэг явна

БОАЖ-ийн сайд Б.Бат-Эрдэнэ: Дорноговь аймгийн Мандах суманд үүсээд байгаа нөхцөл байдалтай холбогдуулан аймгийн Засаг даргатай урьд шөнө ярьж ажлын хэсэг явуулахаар болсон.
Аймгийн Засаг дарга "Захирамж" гаргаж ажлын хэсэг өглөө 5 цагт аймгаас гараад одоо Сайхандулаан сум орчимд явж байна. Ажлын хэсгийг Аймгийн мэргэжлийн хяналтийн газрын хэлтсийн дарга Төмөрбаатар ахалж байгаа ба БОАЖГ, Цагдаа, мэргэжлийн хяналтын албан тушаалтнууд ажлын хэсэгт орсон. Мөн Түмэн инвест айл компанийн захиралтай Байгаль орчин, аялал жуулчлалын яамнаас холбогдож ажлын хэсэг ажиллах хүртэл ямар нэгэн үйл ажиллагаа явуулахгүй байх үүрэг өгсөн.
 Хариуцлагатай уул уурхайн эхлэл бол эхлээд нутгийн иргэдэд тухайн төслийн үр өгөөж , байгалийн нөхөн сэргээлт, нутгийн унаган иргэдэд ямар ашиг тустай байх талаар урьдчилан ярилцаж хэзээ бүрэн ойлголцолд хүрсэн үед үйл ажиллаагаа эхлүүлэх ёстой. Эс ойлголцвол техник оруулах, хүч хэрэглэхийг хориглодог.

Мэдээллийг тодруулбал, Дорноговь аймгийн Мандах суманд нэгэн компани нүүрсний уурхай барьж, олборлолт хийх гэж байгаа юм байна. Уг асуудлаар нутгийн иргэд, малчид эсэргүүцэж нөхцөл байдал хүндрэлтэй байгаа юм.