Барилгын материалын хомсдол, үнийн өсөлтөөс шалтгаалан орон сууцны үнэ нэмэгдсээр байгаа бөгөөд Хэнтий аймгийн хувьд шинэ баригдаж буй орон сууц м.кв нь 1,9 сая төгрөгөөс эхэлж байна.
Тиймээс иргэдийг хямд үнэтэй, чанартай орон сууцаар хангах зорилгоор Хэнтий аймгийн удирдлагууд 2021 онд “Хэнтий орон сууц” аж ахуйн тооцоотой орон нутгийн өмчит үйлдвэрийн газрыг байгуулж, төсөвт байгууллагуудын урсгал зардал, халаалтын зардлын хэмнэлт, жилийн эцсийн давсан орлогын төвлөрүүлж, орон нутгийн төсвийн хоёр тэрбум төгрөгөөр Өндөрхаан хороололд 150 айлын орон сууцны барих ажлыг эхлүүлжээ.
Тус барилыг орон нутагт үйл ажиллагаа явуулдаг “Алсын солонго” ХХК барьж байгаа бөгөөд 1 мкв нь 1,5 сая төгрөгний үнэтэй аж.
Мөн урьдчилгаа төлбөрийн хувьд иргэдэд уян хатан нөхцлийг санал болгосноос гадна банкны удирдлагуудтай зөвшилцөж, ифотикийн зээлд хамруулах боломжийг ч олгосон байна.
Барилгын ажил хэвийн үргэлжилж байгаа бөгөөд эхний ээжлийн 90 айлын барилга энэ оны 4 дүгээр улиралд багтаан ашиглалтад оруулахаар төлөвлөжээ.
Сэтгэгдэл (0)
Сэтгэгдэл бичигдээгүй байна