Боловсролын зээлийн сангийн үйл ажиллагаанд хийсэн аудитын дүгнэлтээр хэд хэдэн зөрчил илэрчээ. Тухайлбал сонгон шалгаруулалтгүйгээр зээл олгосон, ТОП-100д багтаагүй сургуульд суралцагчдад, тэргүүлэх мэргэжлээр сураагүй хүмүүст, баримт бичиг дутуу голч дүн хүрээгүй суралцагчдад зээл олгосон байна. Мөн зээл тэтгэлэг давхардуулсан, хэлний бэлтгэлд олгосон, сургалтын төлбөрөөс гадна илүү зардал олгосон, хувийн дансруу шилжүүлсэн зэрэг зөрчлүүд илэрчээ.
ЗӨРЧИЛ: Сонгон шалгаруулалтгүйгээр зээл олгосон
Аливаа зээлийг авахад хамгийн нэгдүгээр зүйл нь шалгуур. Шалгуурыг хангаагүй бол зээл олгогдохгүй. Энэ бол ардын амьдрал. Харин албан тушаалтнуудын хүүхдүүд үүнд хамаардаггүй бололтой. 2017-2018 онд гадаад зээлээр бакалаврын хөтөлбөрт 985.4 сая төгрөг, тэргүүлэх чиглэлийн мэргэжилд багтаагүй 14 суралцагчийг 2012-2015 онд суралцуулж 1 тэрбум 162 сая төгрөг, нийт 2 тэрбум төгрөгийг олгожээ.
Боловсролын зээлийн сангийн хуудсанд гадаад улсад суралцахаар зээл тэтгэлэг хүсэгчдэд тавих шалгуурт, “Дэлхийн шилдэг их сургуулиудын зэрэглэл тогтоодог олон улсад хүлээн зөвшөөрөгдсөн “Times Higher Education World University Rankings” болон “Academic Ranking of World Universities” байгууллагын тогтоосон эрэмбээр тухайн жилийн эхний 100-д багтсан их, дээд сургуулийн үндсэн хөтөлбөрт суралцах урилгаа авсан, IELTS-ийн 6, IBT TOEFL-ийн 90 оноо эсхүл бусад гадаад хэлний эдгээртэй дүйцэхүйц олон улсын шалгалтын онооны шаардлага хангасан байх.” гэжээ.
Сэтгэгдэл (0)
Сэтгэгдэл бичигдээгүй байна