БЗС-гийн жагсаалтыг УИХ-ын дарга Г.Занданшатар үргэлжлүүлж байна. Ингэхдээ ганцаараа ч биш хүү, охин, төрсөн дүүгийн хамтаар үргэлжлүүлж явна. Гомбожавын Занданшатар нь 2003 онд Нидерландын Маастрихтын Удирдлагын сургуульд суралцахдаа 6 мянган ам.доллар, түүний төрсөн дүү Гомбожавын Оюунгэрэл мөн онд Австралийн Свинбурн их сургуульд суралцахдаа 16 мянган ам.доллар, Г.Занданшатарын хүү З.Алтангэрэл нь бакалаврын зэрэгт суралцахдаа 93 мянган ам.доллар, охин З.Должинсүрэн нь мөн бакалаврын зэрэгт суралцахдаа 13.9 мянган ам.долларын зээлийг тус тус аваад төлөөгүй байна.
Зээлийн сангаас хамаарал бүхий хүмүүстээ зээл авсан жагсаалтыг тоогоороо УИХ-ын дарга тэргүүлж явна. Нэг гэр бүлээс буюу хамаарал бүхий дөрвөн хүн энэ сангаас нийтдээ 128 971 ам.доллар буюу өнөөдрийн ханшаар 444 сая төгрөгийн зээл авчихаад төлөөгүй байна гэсэн үг юм.
Сэтгэгдэл (0)
Сэтгэгдэл бичигдээгүй байна