Сангийн сайд асан С.Баярцогтын дүү С.Баярхишиг, С.Баярбат, С.Баярмаа нар 96 мянган ам.доллар буюу 333 сая төгрөгийн зээл авчээ.
Албан тушаалтнуудын авсан зээлийн жагсаалтыг сангийн сайд асан С.Баярцогтын ах дүү гурав үргэлжлүүлж байна. УИХ-ын дарга өөртэйгөө нийлээд дөрвөн хүнд Боловсролын зээлийн сангаас зээл авсан бол С.Баярцогт хамаарал бүхий гурван хүнээ зээлд хамруулжээ.
Сангажавын Баярхишиг АНУ-ын Брижпортын Их сургуульд суралцахдаа 32,5 мянган ам.доллар, Сангажавын Баярмаа АНУ-ын Колорадогийн Их сургуульд суралцахдаа 32 мянган ам.доллар, Сангажавын Баярбат АНУ-ын Брижпортын Их сургуульд суралцахдаа 32 мянган ам.долларын зээлийг тус тус авчээ. С.Баярхишигийн зээл төлөгдөөгүй бол С.Баярмаа, С.Баярбат нарын зээлийг Боловсрол шинжлэх ухааны сайд асан Л.Гантөмөрийн 2013 оны 5 сарын 22 өдрийн А/185 тоот тушаалаар тэглэжээ.
Сэтгэгдэл (0)
Сэтгэгдэл бичигдээгүй байна