Боловсрол, соёл, шинжлэх ухааны сайд асан Л.Гантөмөр охин Г.Хуландаа санхүүжилт олгох тушаалыг өөрөө гаргаж байжээ. Тодруулбал, Боловсрол, соёл, шинжлэх ухааны сайдын “Сургалтын төрийн сангийн санхүүжилтээр гадаадад суралцуулах тухай” 2016 оны 5 дугаар сарын 27-ны өдрийн А/224 тоот тушаал гаргаж, өөрөө гарын үсэг зуржээ. Уг тушаалаар Гантөмөрийн Хулан, Ганбатын Батбаатар, Мөнхбаярын Нандинзул нарын нэрсийг нэмсэн байна. Л.Гантөмөрийг сайдаар ажиллаж байх үед БСШУЯ-ны хэвлэлийн төлөөлөгчөөр ажиллаж байсан сэтгүүлч Ч.Лодойсамбуу түүнийг өмөөрч “лайв” хийх үеэрээ: “Сайдын ажлаа өгснөөс нь хойш олгосон санхүүжилт юм байналээ, 2016,2017 онд авсан юм байналээшт” гэсэн юм. Тэгвэл уг тушаалыг сайдын ажлаа өгөхөөсөө өмнө буюу 5 дугаар сарын 27-ны өдөр гаргасан байна.
Г.Хулан нь 2016 онд АНУ-ын Брауны Их сургуульд суралцахдаа 127 мянган ам.долларын зээл авсан байдаг юм.
Сэтгэгдэл (0)
Сэтгэгдэл бичигдээгүй байна