Монгол банкны Тамгын газрын захирал асан Д.Чимэд-Юндэнгийн охин 93 мянган ам.долларын зээлээр суралцжээ

ТЕГ-аас тэтгэвэрт гарсныхаа дараа Монголбанкны Тамгын газрын захирлаар ажиллаж явсан хошууч генерал Д.Чимэд-Юндэнгийн охин Ч.Намуундарь 2014 онд АНУ-ын Калифорниа Их сургуульд суралцахдаа 93 мянган ам.долларын зээл авчээ.

Хошууч, генерал Д.Чимэд-Юндэн нь Тагнуулын ерөнхий газрын дэд даргын албыг арван жил хашсан бөгөөд тус албанаасаа тэтгэвэрт гарсан байдаг. ТЕГ-аас тэтгэвэрт гарч, банкны салбарт ажиллаж байсан удаагүй тэрээр Монголбанкны Тамгын газрын захирлаар томилогдсон. Н.Золжаргалыг Монголбанкны ерөнхийлөгчөөр томилогдсоноос хойш тус албанд томилогдсон гэгддэг. 2017 онд УИХ-ын Эдийн засгийн байнгын хорооноос Монгол банкны үйл ажиллагаанд хийсэн хяналт шалгалтаар Чимэд-Юндэнд урамшууллыг хэтрүүлэн олгосон нь илэрсэн байдаг.