“Эдийн засгийн чуулган 2024” үргэлжилж байна.Энэ удаагийн чуулган “Бүсчилсэн хөгжлийн зөвлөгөөн”-ний хүрээнд ТӨВ-ийн бүсийн салбар хуралдаанд УИХ-ын гишүүн Д.Өнөрболор панелистаар оролцлоо.
Тус хуралдаанаар бүсийн нийгмийн үйлчилгээ, тэр дундаа ажиллах хүч, боловсрол эрүүл мэндийн сэдвийн хүрээнд өрнөж, санал бодлоо солилцсон юм.
Тэрбээр энэ үеэр "Манай улсын хувьд өнгөрсөн хугацаанд засаг захиргаа нутаг дэвсгэрийн хязгаарт баригдаж, аймгийн нийгэм, эдийн засгийн төлөвлөлтийг тусад нь хийж, бүсийн төлөвлөлтийг орхигдуулж ирсэн жишгээс салах ёстой.
Өнөөгийн залуус нийгэм, соёл, эдийн засаг хөгжсөн хотыг хүсч байгаа. Тиймээс бүсийг, аймгийн төвийг алгасаад шууд нийслэл Улаанбаатар хот руу татаад байна. Энэ таталцлын төвийг зохистой хуваарилах бодлого оновчтой байх ёстой.
Бүсийн хөгжлийг хүн амын төвлөрөл бүхий хот тойрсон орон нутгийг худалдаа, тээвэр логистик, агуулах, зоорь гээд кластерийн зохион байгуулалтад оруулж, дэд бүтцийг нь шийдээд эдийн засгийн холболтуудыг хийж байж хөгждөг ОУ-ын жишиг бий. Тиймээс бүсийн хөгжилд боловсролын үйлчилгээ, эрүүл мэндийн үйлчилгээ зэрэг нийгмийн наад захын хэрэгцээ хангагдсан, иргэд ирээдүйн төлөвлөлт, амьдралын сонголтод нөлөөлөхүйц хотууд бий болгоход чиглэсэн бодлого, эрх зүйн орчныг бүрдүүлэх нэн шаардлагатай байна" гэлээ.
Сэтгэгдэл (7)