​М.Алдартуяа: “Гэмт хэрэгтний хувийн мэдээллийг ил болголоо” гэж миний охиныг яллаж байгаад харамсч байна

Сэтгүүлч Н.Өнөрцэцэгт шүүхээс 4 жил 9 сарын ял оногдуулаад байна. 

Түүний ээж М.Алдартуяа Зариг сайтын оффист байх охиныхоо ажлын өрөөнд ормогцоо "Энд ажлаа хийгээд л сууж байдагсан. Эвгүй юм байна. Сайхан ажил төрөлтэй охин минь ингэж ч явах гэж" хэмээн ихэр татан уйлна. Эрхээ хязгаарлуулж, төмөр торны цаана хоригдоход өөрөөс нь гадна ар гэр, үр хүүхдүүд нь ч сэтгэл санаагаар давхар яллуулдаг. Энэ зовлонг сэтгүүлч Н.Өнөрцэцэг, түүний ар гэрийнхэн туулж явна. Хүн бүхэн амралт, сум, аймгийн 100 жилийн ой хэмээн баярлаж байхад түүний гэр бүлийнхэн охиноосоо сураг, чимээ дуулахаар хорих ангийг өдөр бүр харуулдана. Энэ хар бүхэн хэзээ нэг өдөр арилж, бүх зүйл үнэн зөвөөр шийдэгдэхийг л түүний ар гэрийнхэн найдлага тавин хүлээж байна. 

Сэтгүүлч Н.Өнөрцэцэгийн ээж М.Алдартуяа: "Миний охин Гантулга гэж хүнийг 12 настай охиныг хүчирхийлсэн хэргийг хамгийн эхэнд мэдээллээгүй байх гэж бодож байгаа. Гантулга гэдэг хүний нэр төр сэвтсэн бол охиныхоо өмнөөс уучлал гуйж байна. Миний охин энэ Зариг сайтаа ажиллуулаад долоон жил болохдоо улсдаа 500 сая төгрөгийн татвар төлсөн гэж өөрөө ярьдаг. Миний охин олон нийтийн төлөө дугарч явж байгаад л ийм хэрэгт орчихлоо".

Бичлэгээр үзэх: