Сэрэмжлүүлэг: Хяргас нуур, Айраг нуурын хоолойг бирвазаар гаталж байсан иргэн машинтайгаа ус руу унаж осолджээ

Увс аймгийн Завхан суманд Хяргас нуур, Айраг нуурын хоолойг бирвазаар гаталж байсан ачааны автомашин жолоочтойгоо ус руу унасан тухай дуудлагыг 07.23-ны өдрийн 22:25 цагт Онцгой байдлын албанд иржээ. 

Тус аймгийн Онцгой байдлын газрын Малчин сум дахь “Хяргас” нуурын сургалтын төв дээр ажиллаж байгаа Эрэн хайх, аврах салбарын алба хаагчид 120 км зам туулан 02:35 цагт, мөн тус аймгийн Онцгой байдлын газрын ЭХАС-ын алба хаагчид 280 км зам туулан 03:45 цагт тус тус очиход Увс аймгийн Завхан сумын Шар булаг багийн “Хэцүү хад” гэдэг газраас Завхан сумын чиглэлд зорчиж явсан иргэн Х/49 настай эрэгтэй/-ийн “Вонго” загварын бага оврын ачааны автомашин бирвазаас ус руу унасан байсныг татан гаргахаар ажиллаж  07.24-ний өдрийн 08:50 цагт иргэн Х/49 настай, эрэгтэй/-ийн цогцсыг 7 метрийн гүнээс гаргаж Цагдаагийн байгууллагад шилжүүлэн өгчээ. 

Автомашиныг мөн өдрийн 15:35 цагт 7 метрийн гүнээс татан гаргажээ. Иймд иргэдийг үер, усны аюулаас сэрэмжлүүлж байна.

Эх сурвалж: ОБЕГ