Аянганд цохиулж 60 гаруй тооны мал хорогджээ

Увс аймаг, Ховд сум. Халиун булаг багийн “Олон нуурын бэлчир” гэдэг газар /аймгийн төвөөс баруун урд зүгт 195 км, сумын төвөөс зүүн хойд зүгт 75 км/-т 07.30-ны өдрийн 06:00 цагийн орчим аянга бууж, мал хорогдсон тухай мэдээллийг 07.30-ны өдрийн 07:55 цагт хүлээн авчээ. Халиун булаг багийн Засаг даргаар ахлуулсан ажилтанууд очиход тус багийн малчин Т-ийн 14 үхэр аянганд цохиулж хорогджээ.

- Увс аймаг, Өлгий сум. Чаргад багийн “Хөндөөгийн-Эхэн” гэдэг газар /аймгийн төвөөс баруун урд зүгт 113км, сумын төвөөс зүүн урд зүгт 11 км/-т 07.30-ны өдрийн 06:30 цагийн орчим айлын гэр дээр аянга буусан тухай мэдээллийг 07.30-ны өдрийн 10:20 цагт хүлээн авсан байна. Тус сумын Засаг даргаар ахлуулсан ажилтанууд очиход малчин Л-ийн гэр дээр аянга бууж гэрийн бүрээс хайлж, тоононы баруун хэсэг хагарсан байжээ. Хүн гэмтэж бэртээгүй.

- Ховд аймаг, Мянгад сум. Чацаргант багийн “Алтан хөхий Хайрхан-Овооны таг” гэдэг газар /аймгийн төвөөс зүүн урд зүгт 110 км, сумын төвөөс зүүн урд зүгт 90 км/-т 07.30-ны өдрийн 08:00 цагийн орчим аянга бууж, мал өртөж хорогдсон тухай мэдээллийг 07.30-ны өдрийн 22:30 цагт хүлээн авчээ. Тус сумын малчин У-ын 17 үхэр аянганд цохиулж хорогдсон байна.

- Завхан аймаг, Идэр сум. Мануустай багийн “Улаан-Үзүүр” гэдэг газар /аймгийн төвөөс зүүн зүгт 90км, сумын төвөөс зүүн урд зүгт 30 км/-т 07.30-ны өдрийн 16:30 цагийн орчим аянга бууж, малчин С.Янжмаагийн 30 бог мал хорогдсон тухай мэдээллийг 07.30-ны өдрийн 17:30 цагт хүлээн авчээ.Тус сумын Байгаль орчны Улсын хяналтын байцаагчаар ахлуулсан ажилтанууд очиход тус багийн малчин Я-ийн 30 бог мал аянганд цохиулж хорогджээ.

Эх сурвалж: ОБЕГ