Малын гоц халдварт өвчний улмаас дөрвөн аймгийн таван суманд голомтот хорио цээрийн дэглэмтэй байна

Нийслэлийн нутаг дэвсгэрт байгалийн голомтот хүн, мал, амьтны гоц халдварт болон тарваган тахал өвчний халдвар тархахаас урьдчилан сэргийлэх чиглэлээр авч хэрэгжүүлэх арга хэмжээний талаар албаныхан мэдээлэл хийлээ.

Энэ үеэр НОК-ын нарийн бичгийн дарга Д.Оюунбат: "Улсын хэмжээнд он гарсаар малын гоц халдварт өвчин буюу хонины цэцэг, гахайн мялзан, бог малын мялзан өвчний 101 тохиолдол бүртгэгдсэн. Яг өнөөдрийн байдлаар малын гоц халдварт өвчний улмаас дөрвөн аймгийн таван суманд голомтот хорио цээрийн, нэг аймагт хязгаарлалтын дэглэм үргэлжилж байна. Хичээл, сургууль эхэлж буйтай холбоотойгоор хөдөө орон нутгаас мал, малын гаралтай түүхий эд, бүтээгдэхүүн худалдах нь ихэсдэг энэ үед хяналт шалгалтыг хийж байна" гэлээ.