“KFC-тэй хамт мэдлэгээ дүүргэе” 120,000,000 төгрөгийн тэтгэлгийн эзэд тодорлоо

KFC брэнд 11 жилийн ойгоо тохиолдуулан оюутны амьдралд хөл тавьж буй, 12-р ангийн төгсөгч дотоодын ерөнхий боловсролын сургуулийн сурагчид болон KFC-д ажилладаг ажилтнуудынхаа хүүхдүүдийн дунд БҮТЭН НЭГ ЖИЛИЙН сургалтын төлбөрийн дэмжлэг олгох “KFC-тэй хамт МЭДЛЭГЭЭ ДҮҮРГЭЕ” тэтгэлэгт хөтөлбөр зарласан ба тус тэтгэлгийн шилдэг 20 сурагч батламжаа 08 сарын 21-ны өдөр гардан авлаа.

Хоёр дахь жилдээ зохион байгуулагдаж буй энэхүү тэтгэлэгт хөтөлбөрт 150 гаруй дотоодын ерөнхий боловсролын сургуулийн сурагчид, мөн KFC-ийн 20 салбарт ажилладаг ажилтнуудын 50 гаруй сурагч хүүхдүүд буюу нийт 200 гаруй 12-р ангийн төгсөгчид хүсэлтээ илгээж оролцсон ба голч дүн, нийгмийн идэвхээрээ өрсөлдөн шилдгийн шилдэг 20 сурагч шалгаран 120 САЯ төгрөгийн тэтгэлгийн эзэд боллоо.

"KFC-ТЭЙ ХАМТ МЭДЛЭГЭЭ ДҮҮРГЭЕ" тэтгэлэгт материалаа илгээсэн нийт сурагчдадаа болон шалгарсан шилдэг сурагчдадаа шинэ хичээлийн жилд нь өндөр амжилт хүсье!

KFC брэнд тогтвортой хөгжлийн “Чанартай боловсролыг дэмжих” зорилгын хүрээнд сурагч, оюутан, залуусынхаа дунд энэхүү тэтгэлэгт хөтөлбөрөө жил бүр уламжлал болгон зохион байгуулах тул идэвхтэй хамрагдахыг уриалж байна.