“Багш нар бүгд зэргэлдээ сургуулиудад очиж давхар хичээл зааж байна”

Их дээд сургууль төгссөн 2.7 дээш голчтой бол 45 хоногийн сургалтад хамрагдан багшлах эрхийн гэрчилгээ авах боломжтой болсон тухай боловсролын яамнаас мэдээллэсэн билээ. Тэгвэл багш нарын байр суурийг хүргэж байна.

105-р сургуулийн физикийн багш Ц.Байгалмаа: “Багшийн цалин хөлсийг нэмээгүйгээс болж олон эрдэмтэн багш зах зээлд гарч мэргэжлээ орхиж байна. Багшийн цалинг нэмэгдүүлж байж энэ асуудлыг шийднэ. 45 хоногийн сургалтаар дээд боловсрол эзэмшсэн хүмүүсээс бэлтгэнэ гэж байгаа боловч хүүхдийн сэтгэл зүй, хүнээр хүн хийх зэрэг, хүн төлөвшүүлдэг учир багш мэргэжил арай өвөрмөц онцлогтой юм. Чадварлаг багш ажиллаж байж сургалтын чанар сайжирна. Их сургуульд дөрвөн жил  бэлтгэгдээд  ирсэн хүүхдүүдэд ч гэсэн учир дутагдалтай зүйл олон байдаг. Тэд багш нараа дагаж яваад сурдаг. Тийм болохоор энэ нь тийм зөв шийдэл гэж бодохгүй байна. ТҮК-ийн ажилчид, автобусны жолооч нарын цалинг нэмсэн нь зөв боловч нэг талаараа боловсролыг үнэгүйдүүлж, ер нь боловсрол эзэмших хэрэг байна уу гэсэн ойлголтыг нийгэмд төрүүлж байна.

Манай сургуульд хими, биологи, англи хэл, бага ангийн багш дутагдалтай байна. Багш нар бүгд давхар зэргэлдээ сургуулиудад очиж хичээл зааж байна.

Би 30 гаруй жил ажилсан гэхэд 1.800.000-1.900.000 төгрөгийн цалин авдаг. Үндсэн цалин бол нэг сая гаруй төгрөг” хэмээн ярилаа.