"Google Flights" сайтыг ашиглан маш бага зардлаар нисэх боломжтой болжээ

“Google Flights” сайтыг ашиглан маш бага зардлаар тийз захиалах боломжтой болжээ. Тухайлбал, тус үйлчилгээ хамгийн хямд гэх цэсийг шинээр гаргаснаар үйлчлүүлэгчдэд хайж буй чиглэлдээ хамгийн хямд, хэмнэлттэй төсвөөр зорчих боломжуудыг санал болгох юм.

Саяхныг хүртэл тус вэбсайтад хамгийн тав тухтай сонголтыг л санал болгодог функц байсан бол бага төсвөөр аялах сонирхолтой хүмүүст зориулж уг шинэ цэсийг нэмсэн байна. Улмаар агаарын тээврийн үйлчилгээ үзүүлдэг компаниудаас доогуур үнээр тийз борлуулдаг гуравдагч байгууллагуудын үйлчилгээг ч эндээс авах боломжтой болжээ. Мөн шууд нислэгээс бага зардалтай дамжин нисэх боломжуудыг ч санал болгох юм.

Энэ оны нэгдүгээр сард дамжиж нисэж буй зорчигчдын тоо бүх цагийн үеийн хамгийн өндөрт хүрсэн байна. Энэ нь дийлэнх зорчигчид цаг хугацаа болон ая тухтай байдлаас илүүтэй хямд үнээр нисэхийг илүүд үзэх болсны илрэл юм.

Эх сурвалж: CNBC Mongolia