Н.Номтойбаяр:Бидэнд тэвчиж болох зардал их байна

УИХ хурлаар хэлэлцэж буй асуудалд Үндэсний эвслээс цаг үеийн асуудлаар мэдээлэл хийлээ. 

УИХ-ын гишүүн Номтойбаяр: Цөмийн энергийн тухай хуулийн төсөлтэй танилцаж хуулийн хэрэгжилтийг дэмжихээр шийдсэн. Гэвч цөмийн энергийн тухай хуулийн үр дүнд үүсэх ураан олборлох, Францын засгийн газрын гэрээ хэлэлцээр, тухайн улсын компанитай хамтарч ажиллах төсөл хөтөлбөр анхаарч үзэх хэрэгтэй.

УИХ-ын 126 гишүүд анхны улсын төсөв хэлэлцэх гэж байна. Улсын төсвийн орлогын эх үүсвэр түүхий нүүрсний зах зээлээс тооцож авч байна. Гэвч хоёр жилийн хугацаанд түүхий нүүрсний үнэ шат дараатайгаар буурч байна. Орлого, зарлагын зөрүү гарахаар төгрөгийн ханш унах нөхцөл бүрддэг. Эцсийн дүндээ цалин тэтгэврийн худалдан авах чадвар буурдаг. Халамж, татвар буурахгүй юм байна. Эдийн засгийн идэвхтэй хүн ам агшиж байгааг анзаарах хэрэгтэй. 26 мянга орчим хүн ажилгүй болсон. Эдийн засгийн идэвхтэй хүн ам буурч байна. Бидэнд тэвчиж болох зардал их байна.

Боловсролын зээлийн сан аж ахуйн нэгжүүдэд боловсон хүчин хомсдолтой байгаа учир төсвийг эрс нэмэгдүүлэх шаардлагатай. Яг үнэндээ бүх шатанд  хүнс хөдөө аж ахуйн, уул уурхайн салбарт хүний нөөц хомс байна. Эдийн засгийн салбаруудад илүү анхаарч байж  төсөв илүү сайн бүрдэнэ.