Солонгос бэлэн гоймонгийн экспорт анх удаагаа 1 тэрбум доллар давжээ

Өмнөд Солонгосын рамены экспорт энэ жил анх удаагаа нэг тэрбум ам.долларын босгыг давсан нь дэлхийн эрэлт нэмэгдэж байгааг харуулж байна.

1-р сараас 10-р сар хүртэл бэлэн гоймонгийн экспорт 1.02 тэрбум долларт (1.4 их наяд вон) хүрч, өнгөрсөн оны мөн үетэй харьцуулахад 30 хувиар өссөн гэж Хүнс, Хөдөө аж ахуйн яам баасан гарагт мэдээлэв. Өнгөрсөн оны экспортын хэмжээ 952 сая ам.доллар болсон нь энэ оны экспорт ердөө 10 сарын дотор энэ үзүүлэлтээс давсан гэсэн үг.

Цаашид яамны ажилтнууд оны эцэс гэхэд рамены экспорт 1.2 тэрбум долларт хүрнэ гэж таамаглаж байсан. Гол зах зээл дэх мэдэгдэхүйц өсөлт нь энэхүү амжилтанд нөлөөлж байна. Хятад руу хийсэн экспорт 18.6 хувиар өсч, 210 сая доллар болсон бол АНУ-д хийсэн борлуулалт 65 хувиар өсч, 180 сая ам.долларт хүрсэн байна.

Эх сурвалж: The Korea Herald