16 настай талийгаач охинд холбогдох шүүх хурлын урьдчилсан хэлэлцүүлэг хаалттай үргэлжилж байна

Чингэлтэй дүүргийн 20 дугаар хороонд оршин суух 20 настай эрэгтэй иргэн Д нь 16, 32 настай хоёр эмэгтэйг хөнөөгөөд, гэмт үйлдлээ нуун далдлахын тулд амь хохирогчдын цогцсыг чемодан болон хувцасны шүүгээнд хийж нуусан онц ноцтой хэрэг 2024 оны 6 дугаар сард гарсан. Хэрэгт холбогдох шүүх хурлын урьдчилсан хэлэлцүүлэг Баянгол, Хан-Уул, Сонгинохайрхан дүүргийн эрүүгийн хэргийн анхан шатны тойргийн шүүх дээр болж байна. Шүүх хурлыг өмгөөлөгчдийн саналыг үндэслэн хаалттай явуулахаар боллоо. 

Яллагдагч Д-ийн өмгөөлөгч, "Миний үйлчлүүлэгчийн гэм буруутай үйлдлээс болж түүний ээж гэр бүл ойрын хүмүүсийн амь насанд заналхийлж байгаатай холбогдуулан энэхүү урьдчилсан хэлэлцүүлгийг хаалттай явуулах хүсэлтэй байна" гэв.