Засгийн газар ээлжит бусаар хуралдана

Засгийн газар өнөөдөр /2026.05.18/ ээлжит бусаар хуралдаж хотын дарга Х.Нямбаатарыг чөлөөлөх эсэхийг хэлэлцэнэ. Ерөнхий сайд Н.Учрал өнгөрсөн бямба гарагт махны үнэ өсгөж, 2500 тонн нөөцийн мах алга болсон гэх шалтгаанаар хотын дарга Х.Нямбаатарыг ажлаас нь чөлөөлөхийг мэдэгдсэн. Өнөөдрийн хурлаар хотын даргыг чөлөөлөх асуудлыг хэлэлцэхээс гадна хуралдаанаар нөөцийн махны асуудлыг хэлэлцэнэ.  

2022-2023 онд 12 ААН 7858 тонн нөөцийн мах бэлтгэсэн бөгөөд 5369 тонн махыг борлуулжээ. Харин 2023-2024 онд 7 ААН-ийн байгууллагын 6198 тонн нөөцийн махыг худалдаанд гаргаж, 6050 тонн махыг борлуулжээ. 2024-2025 онд 10 ААН байгууллага 8380 тонн нөөцийн мах бэлтгэж, 6768 тонныг борлуулсан бол энэ онд 9 ААН 5016 тонн нөөцийн мах бэлтгэн борлуулж байжээ.