Нийслэлийн Газрын албанаас иргэдэд оршин суугаа газраа өмчлөхөд дэмжлэг үзүүлэх зорилгоор 3 сарын аяныг зохион байгуулж байгаа талаар бид өмнө нь мэдээллэсэн билээ. Гэхдээ иргэд газраа өмчлөх гэж сандрах хэрэггүй бөгөөд нийслэлийн газрын албанаас амьдарч байгаа хороогоор нь дамжуулан иргэдийнхээ гэрт нь ямар бичиг баримт бүрдүүлсэн байх ёстой, танай гэрт хэдэн сарын хэдний хэдэн цагт очих мэдээллийг хүргүүлчих юм. Газрын албанаас хүргүүлсэн мэдээллийн дагуу та бичиг баримтаа бүрдүүлчихээд хүлээж байж байхад л болно.
Гэхдээ газар өмчлөлд нийслэлийн төвийн бүсийн зургаан дүүргийн 43 хорооний иргэд хамаарагдах юм билээ. Ингээд та бүхэнд эхний ээлжинд аль дүүргийн ямар хороо багтаж байгааг хүргэе.
Сонгинохайрхан дүүргийн 1, 3, 4, 20, 22, 23, 27, 30, 31 дүгээр хороо
Хан-Уул дүүргийн 10,11 дүгээр хороо
Баянзүрх дүүргийн 2, 4, 5, 8, 9, 10, 12, 13, 14, 16, 17, 19, 22, 24, 27 дугаар хороо
Баянгол дүүргийн 9, 10, 11, 16, 20, 21, 22 дугаар хороо
Чингэлтэй дүүргийн 8, 9, 10, 11, 12, 13 дугаар хороо
Сүхбаатар дүүргийн 9, 11, 12, 13 дугаар хороо
Дээрх хороонуудад газар эзэмшдэг иргэд энэ гурван сарын аяны хугацаанд газраа өмчлөх боломжтой юм байна.
Н.Батаа
Сэтгэгдэл (0)
Сэтгэгдэл бичигдээгүй байна