"Apotex" корпорацийг үүсгэн байгуулагч Канадын тэрбумтан Барри Шерман болон гэргий Хани нарын цогцсыг Торонто хотод байрлах харшийнх нь хонгилоос олсон мэдээлэл дэлхий нийтийн анхаарлын төвд байна. Канадын хэвлэлүүд тэднийг амиа хорлосон байж болзошгүй гэж мэдээлсэн боловч үр хүүхдүүд нь үүнийг эрс үгүйсгэсэн юм. Гэвч одоогоор цагдаа нарт үхлийг гэмт хэргийн шалтгаантай гэж үзэх ямар ч сэжүүр илрээгүй байна. Гэрт нь гаднын хүн орсон гэх шинж тэмдэг алга гэв.
Шүүх эмнэлгийн дүгнэлтээр хосууд хоёулаа хүзүүний судасны бөглөрөл, хатуурал гэсэн нэг шалтгаанаар нас барсан гэж үзжээ. Гэвч олон нийт энэ хэрэг гаднын оролцоотой гэж үзэн мөрдөн байцаалтаа үргэлжлүүлэхийг шаардаж байна.
"Apotex корпораци" нь эмийн үйлдвэрлэлээр дэлхийд 7-рт ордог, 115 оронд бүтээгдэхүүнээ нийлүүлдэг ажээ. Барри Шерманы нийт хөрөнгө 3.2 тэрбум бөгөөд Канадын баячуудын жагсаалтад дээгүүр бичигддэг юм байна.
Сэтгэгдэл (0)
Сэтгэгдэл бичигдээгүй байна