Энэтхэгийн Хачико хэмээн алдаршсан ухаалаг нохойн түүхийг хүргэж байна. 2014 оны наймдугаар сард Энэтхэгийн өсвөр насны хүү Баскар Шриг автомашины ослоор нас барсны дараа хайрт нохой Томми нь шарилыг нь хоёр долоо хоногийн турш сахижээ. Баскарын ээж Шримати хүүгээ оршуулсны дараа нохой нь гэнэт алга болоход гудамжинд тэнэж яваа л гэж боджээ.
Гэтэл эзнээ орхин явахыг хүсээгүй Томми нохой Ченнай хотын захад орших оршуулгын газар хоол ундгүй эмгэнэн гашуудсан байна. Тухайн үед оршуулгын газрын ойролцоо ажиллаж байсан барилгачид нохойд ус, жигнэмэг өгсөн боловч идээгүй гэнэ. Дараа нь Улаан загалмай нийгэмлэгийн ажилчид ирж, нохойг оршуулгын газраас авч явсан түүхтэй ажээ. Энэ талаар нутгийн иргэд "Томми нохойн нүдэнд нулимс цийлгэнэж байсан. Ганцаардаж шаналсандаа эзнийхээ шарилыг хамгаалсан нь тэр байх" хэмээн дурсан ярьж байна.
Сэтгэгдэл (0)
Сэтгэгдэл бичигдээгүй байна