БНСУ-Д ШИНЭ ЖИЛИЙН БАЯР ТЭМДЭГЛЭЖ БАЙСАН МОНГОЛ ЗАЛУУС НЭГНИЙХЭЭ АМИНД ХҮРЧЭЭ

Шинэ жилийн уур амьсгал орж, хаа сайгүй албан байгууллага, найз нөхдөөрөө үдэшлэг, цэнгүүн зохион байгуулсаар байна. Гадаадад суугаа монголчууд маань ч мөн л амьдран суугаа газар бүртээ элэг нэгт монголчуудаараа нийлж баяраа тэмдэглэж буй.

Энэ сайхан баярын уур амьсгалын хажуугаар архидалт хэтэрсний улмаас харамсалтай хэрэг гарах тохиолдлууд байна. Тухайлбал, БНСУ-д ажиллаж амьдарч байсан монгол залуус шинэ жилээ тэмдэглэж байгаад нэгнийхээ аминд хүрсэн хэрэг гарсан талаар эх сурвалж мэдээллээ.

Тодруулбал, өнгөрсөн бямба гаригт тус улсын Илсан гэх хотод монголчуудын шинэ жилийн үдэшлэг болжээ. Энэ үеэр хоёр монгол залуу маргалдан зодолдсон бөгөөд нэг нь амиа алдсан байна.