ГОО САЙХНЫ ХАГАЛГАА ХИЙЛГЭЭД ГАЗАР ДЭЭРЭЭ АМИА АЛДЖЭЭ

Колумбын иргэн 38 настай Каролина Эндри үсчин, гоо сайхны салонд хагалгаа хийлгэснийхээ дараа тусламж авч чадалгүй нас баржээ. Салоны ажилчид түргэн тусламж дуудсан боловч ирэхээс нь өмнө амьсгал хураасан байна. Хоёр хүүхдийн ээж Каролина бүсгүй өгзгөө томруулж, гоё хэлбэртэй болгохын тулд силикон шахуулсан боловч цусанд нь халдвар орж, үхэлд хүргэжээ. Цагдаа нар энэ хэрэгт салоны ажилчдыг буруутган шалгаж, үйл ажиллагааг нь зогсоосон байна.

Колумб улсад 2016 оноос хойштуршлагагүй гоо сайханчид найдваргүй эм тариагаар үйлчилж, 30 гаруй хүний амь насыг хохироогоод байгаа ажээ. Саяхан Колумбын сэтгүүлч Лорена Белтран хөхний хагалгаа хийлгэснээс болж эрүүл мэндээрээ хохирсон тухайгаа олон нийтэд зарласан юм.