У.Хүрэлсүхийн Засгийн Газар хэр удаан наслах вэ? 2020 оны сонгуулийн бүрэн эрхийн хугацааг дуусгаж чадах уу, эс чадах уу? гэдэг асуултын хариулт сонин. Ямартай ч түүний Засгийн газрыг Хотын фракц унагахаар гарын үсэг цуглуулвал МАН дараагийн сонгуулиар нэг ч суудал авч чадахгүй байх эрсдэл бий.
Гэсэн ч Монгол Улсын Ерөнхий сайдад гомдсон УИХ-ын гишүүд У.Хүрэлсүхийг унагах гарын үсэг цуглуулаад ирэх хавар өргөн барина гэх бор шувуу төрийн ордонд аль хэдийн нисээд эхэлжээ. Ер нь бол Ерөнхий сайд У.Хүрэлсүхэд хамгийн их гомдсон эрхэм гэвэл Д.Тэрбишдагва. Тэрээр ХХААХҮ-ийн сайдаар ажиллах сонирхолтой байсан ч У.Хүрэлсүх түүнийг кабинетынхаа гадна үлдээсэн юм. Энэ засгийн газрын гадна үлдэж жийгдсэн дараагийн хүн бол Ч.Улаан. Тэрбээр Сангийн сайдад горилоод бараагүй. Мөн Батлан хамгаалахын экс сайд Б.Бат-Эрдэнэ нутгийн дүү У.Хүрэлсүхдээ ихэд гомдсон сурагтай.
Тэгэхээр МАН-ын хөгшчүүл болох Ч.Улаан, Д.Тэрбишдагва, Б.Бат-Эрдэнэ нарын санаачлагатайгаар УИХ-ын гишүүн Т.Аюурсайхан, Х.Болорчулууны түлхээстэйгээр, хотын фракц, АН-ын дэмжлэгтэйгээр У.Хүрэлсүхийн Засгийн газар унах эрсдэл харагдаж байгаа юм. Б.Бат-Эрдэнэ шинэ оны баяраа Д.Тэрбишдагвын гэрт нь очиж тэмдэглэж байгаагаас харахад тэдний яриа хөөрөө гүнзгийрсэн ч байж мэдэх. Хэрэв эдгээр эрхмүүд нэгдээд Засгийн Газраа унагавал 2020 онд тэдэнд тойрог олдохгүй ч байхыг ч тэд тооцоолж асуудалд хандах хэрэгтэй болох байх.
Ямартаа ч энэ хавар Засгийн Газраа унагах ээлжит ордны хуйвалдаан өрнөж мэдэх нь ээ.
Сэтгэгдэл (0)
Сэтгэгдэл бичигдээгүй байна