ЧИЙДЭН ШИГ ХЭЛБЭРТЭЙ ЧИХЭР АЮУЛТАЙ БОЛОХЫГ АНХААРУУЛАВ

Хятадад шинэ жилийн баярын өдрүүдэд чийдэн шиг хэлбэртэй модон чихэр борлуулалтаараа тэргүүлж, онлайн дэлгүүрүүдийн эрэлттэй бараа болжээ. Энэхүү хатуу чихэр нь хэмжээгээр гэрлийн чийдэнтэй адил бөгөөд 10 см метр урттай, 6 см өргөнтэй юм. Одоогоор Хятадынинтернэт худалдааны "Taobao" компани уг бүтээгдэхүүнийг тус бүрийг нь 39 юаниар 1026 ширхэг худалдаалаад байгаа ажээ.

Гэтэл уг чихэр нь хүний эрүүл мэндэд маш ноцтой аюултай болохыг эмч нар анхааруулав. Бээжин дэх Япон-Хятадын найрамдлын эмнэлгийн чих, хамар, хоолойн тасгийн эмч Би Цин Гюн "Хэрэв энэ хатуу, наалдамхай чихрийг нэгээс хоёр цаг амандаа байлгавал доод эрүүний үений үйл ажиллагаа алдагдах магадлалтай. Хэл, залгиур хоолойн ажиллагааг дарангуйлснаар хахаж, амьсгаа боогдож үхэх аюултай. Тиймээс ийм том чихрийг бүтнээр нь амандаа хийж болохгүй. Сониуч зангаасаа болж өөрийгөө эрсдэлд оруулж болохгүй" хэмээн ярьжээ.