ДОЛООН САРТАЙ ЖИРЭМСЭН ЭМЭГТЭЙН ГООЛИГ БИЕИЙН НУУЦ

АНУ-ын Өмнөд Каролина мужийн иргэн, 18 настай Ринна Стифенс долоон сартай жирэмсэн гэхэд гэдэс нь огт томроогүй бөгөөд гоолиг хэвээрээ байгаа ажээ. Түүнийг танихгүй хүмүүс жирэмсэн гэдэгт нь итгэдэггүй гэнэ. Гэтэл залуу бүсгүйн хэвлийд долоон сартай ураг эрүүл саруул бойжиж буйг эмч нар батлан хэлж байна.

Риннагийн ярьж буйгаар тэрээр мах огт идэлгүй, дан ногоогоор хооллож, байнга дасгал хөдөлгөөн хийдэг болохоор гэдэс нь огт томроогүй гэнэ. Тэрээр "Хүмүүс надаас чи төсөөллийн жирэмслэлт болсон юм биш биз дээ. Хүүхэд чинь өлсөж байх вий дээ хэмээн асуудаг. Би зүгээр л идэвхтэй дасгал хөдөлгөөн, эрүүл хооллолттой хүн" хэмээн ярьжээ.

Орчин үед олны танил загвар өмсөгч эмэгтэйчүүд жирэмсэн байхдаа фитнесс дасгалаар хичээллэж, олны анхаарлыг татах болсон юм. Гэхдээ хэтэрхий хүнд дасгал нь ургийн өсөлт, хөгжилтөд сөргөөр нөлөөлж болзошгүйг эмч нар сануулж байна.