ОРЧИН ҮЕИЙН ШИЙДЭЛ БҮХИЙ УХААЛАГ НОГООН БАЙГУУЛАМЖ

Колумбын нийслэл Богота хотод дэлхийн хамгийн том, босоо цэцэрлэгт хүрээлэн нээгдэж, оршин суугчдын нүдийг хужирлаж байна. 11 давхар барилгыг 6000 метр квадрат ногоон байгууламжаар бүрэх ажлыг Колумб, Испанийн инженерүүд хоёр жилийн хөдөлмөрийнхөө үр дүнд бий болгожээ. Энэхүү цэцэрлэгт хүрээлэнд 10 гаруй төрлийн 115 мянган ургамал байрлуулсан ажээ.

Гэхдээ хотын "зүрх" болсон энэхүү амьд ургамлуудыг эрүүл байлгаж, байнга арчилж, услах нь илүү хэцүү ажил юм. Тиймээс инженерүүд чийг, нарны туяаг автоматаар хянадаг ухаалаг шийдэл бүхий 40 гаруй усжуулах системийг суурилуулсан байна. Эдгээр систем нь байшингийн ханыг дагуулан ус шүршиж, хаягдал усаа дахин боловсруулдаг байхаар бүтээгджээ.

Орчин үед зай завсаргүй өндөр барилга баригдаж, ногоон байгууламж дутагдаж буй энэ үед иймэрхүү ашигтай шийдлийг сонгох болжээ.