ГАЗРЫН ТОСНЫ ҮНЭ ӨСЧЭЭ

Олон улсын зах зээлд Брент маркийн газрын тосны үнэ өсчээ. АНУ-ын аж үйлдвэрийн салбар хурдтай өсч Германд ажилгүйдэл улам даамжирч буй энэ үед Брент маркийн газрын тосны үнэ Лондоны биржид 2.1 хувиар өсч баррель нь 68.1 ам.доллар хүрлээ. Судлаачдын үзэж буйгаар, Америк, Европ тивийн эдийн засаг сайн үзүүлэлттэй байгаа ба газрын тосны эрэлт хэрэгцээ нэмэгдсэний улмаас олон улсын зах зээлд газрын тосны үнэ өссөн аж. Мөн Нью-Йоркийн биржийн ирэх сард нийлүүлэх түүхий нефтийн захиалгын үнэ 1.26 ам.доллараар өсч баррель нь 61.63 ам.долларт хүрсэн байна. Энэ нь өмнөх оныхоос 2.09 хувиар өссөн үзүүлэлт юм. Олон улсын биржид түүхий нефтийн ханш 2015 онд 68 ам.долларт хүрч байжээ. Лондоны шинжээчдийн үзэж буйгаар Иранд үүссэн эмх замбараагүй байдал газрын тосны үнэ өсөх шалтгаан болжээ.