ДЭЛХИЙН БАНКНЫ ЭРЧИМ ХҮЧ 2 ТӨСӨЛ ДУНДГОВЬ АЙМАГТ ХЭРЭГЖИНЭ

Дэлхийн банкны эрчим хүчний 2-р шатны төслийг орон нутгийн хэрэглэгчдийг чанартай, найдвартай цахилгаан эрчим хүчээр хангах, цахилгаан эрчим хүчний өсөн нэмэгдэж байгаа хэрэглээг хангах, цахилгаан түгээх компаниудын техникийн болон зүй бус алдагдалыг бууруулах, эдийн засгийн үр ашгийг дээшлүүлэх, сэргээгдэх эрчим хүчийг дэмжих зорилгоор Дундговь аймагт хэрэгжүүлэхээр боллоо.

2,15 сая ам.долларын эргэн төлөгдөх хөнгөлөлттэй зээлийн нөхцөлтэйгээр төслийг хэрэгжүүлнэ. Төслийн зураг төслийг ирэх 3 сард эхлүүлэх юм. Төслийн хүрээнд цахилгаан түгээх сүлжээний өргөтгөл, Мандалговь хотын хуучирч муудсан цахилгаан дамжуулах шугам, дэд станцыг өргөтгөх, ухаалаг тоолуур нэвтрүүлэх зэрэг ажлууд хийгдэнэ.

Төсөл хэрэгсэнээр Түгээх сүлжээний цахилгаан параметрүүдийн мэдээллийг цаг хугацаа, орон зайны хамааралгүйгээр дамжуулах, хүлээн авах, Актив, реактив чадлыг өндөр нарийвчлалтай хэмжиж тодорхойлдог болох, Цахилгаан эрчим хүчний тоолуур, сүлжээний гэмтлийг зөв, шуурхай тодорхойлдог болно. Нам хүчдэлийн түвшний цаг хугацаанаас хамааралтайгаар үүсч байгаа технологийн зөрчлийг бүрэн арилгана, Гэмтэлтэй цэгийг шуурхай тодорхойлсоноор үүссэн болон үүсч болох аваарийн горимоос хэвийн ажиллагааны горимд шилжиж ажиллах чадвар нэмэгдэнэ, Дагалдах программчлалын асуудлыг шийдвэрлэснээр диспетчерийн хяналттай болох, таслах залгах үйлдлийг программын аргаар гүйцэтгэх, техникийн алдагдлыг бодитойгоор тооцох боломжтой болох зэрэг үр дүн гарна гэж үзэж байна.