ЭНЭТХЭГИЙН АГААРЫН БОХИРДОЛ ХЯТАДТАЙ ЗЭРЭГЦЭВ

Дэлхийн том хотуудад агаарын бохирдлын асуудал аюулын харанга дэлдэж байна. Энэтхэг дахь дэлхийн гайхамшиг, гантиг цагаан Таж Махал ч агаарын бохирдлын нөлөөгөөр шар Махал болжээ. Мэрилэндийн Их Сургуулийн судалгаагаар Энэтхэгт хүний аминд хүрэх хор нөлөөтэй SO2-ийн ялгаралт 2007 оноос хойш даруй 50 хувиар өссөн байна. Хамгийн их агаарын бохирдолтой гэггдэг Хятадын энэ төрлийн үзүүлэлт 75 хувь байдаг.

Өнгөрсөн оны 10 дугаар сард Энэтхэг нь дэлхийд агаар, ус, орчны бохирдлын нөлөөгөөр хамгийн олон хүн амиа алдсан хүнтэй улсаар нэрлэгдсэн. Ингэтлээ хурцадсан асуудалд анхаарал хандуулахгүй байх аргагүй. Хандуулаагүй ч гэж хэлж болохгүй. Засгийн газраас "Цэвэр Энэтхэг" зорилтоо танилцуулаад байгаа ч төдийлөн үр дүн харагдахгүй байгаа юм.