ЭТИОП УЛС ГАДААД ҮРЧЛЭЛИЙГ ХОРИГЛОЛОО

Этиоп улс хүчирхийлэл, ялгаварлан гадуурхалтын улмаас өнчин хүүхдүүдийг гадаадад үрчлүүлэхийг хориглолоо. АНУ-ын гадаадаас хүүхэд үрчилж авсан иргэдийн 20% нь тус улсаас байдаг. Үүний дотор жүжигчин Брэд Питт, Анжелина Жоли нар ч багтаж байна.

Гадаад үрчлэлийг хориглох болсон шалтгаан нь 2013 онд болсон АНУ-ын хос тус улсаас үрчилж авсан охиныхоо амийг хөнөөсөн хэргээс үүдэлтэй.

Этиоп улсаас хүүхэд үрчлэх үйл явцыг хүний эрхийн бүлгүүд хурцаар шүүмжилж, "хүчирхийллийн суурь болоод зогсохгүй хүний наймааны зах зээл" ч гэж үзэх нь бий.

Тус улсын өнчдийн тоо дэлхийн хэмжээнд асуудал болдог учраас дараагийн алхам юу байх вэ гэдэг асуулт гарч ирнэ. Үүнд эрх баригчид дотоодын үрчлэлд найдаж байгаа юм.