ХЯТАД ОЮУТНУУД ГАР УТАСНЫ ТОГЛООМД ОЛОН ЦАГИЙГ ЗАРЦУУЛЖ БАЙНА

БНХАУ-ын 84 их, дээд сургуулийн 513 оюутныг хамруулсан сүүлийн үеийн судалгаа оюутнуудын гар утасны тоглоомд зарцуулах цаг амьдрал, сурлагад нь нөлөөлөхүйц хэмжээнд хүрсэн гэж дүгнэлээ. Судалгаанд оролцогчдын 34.89 хувь нь ухаалаг утас дээрээ олон цаг тоглодог, 42.69 хувь нь ямар нэг хэмжээгээр өдөртөө заавал тоглодог гэжээ. Зөвхөн 18.13 хувь нь тоглодоггүй гэж хариулсан байна. Гар утасны хөдөлгөөнт тоглоомд донтогчдын дийлэнхи нь дотуур байранд амьдардаг нь сонирхол татаж байгаа юм. Оюутнууд насанд хүрсэн хүмүүс учраас цагаа өөрөө зохицуулах эрхтэй. Гэвч, сурч боловсрохыг машид чухалчилж үздэг Хятад улсад тэд ийнхүү ихэнхи цагаа дэмий үрж байгаа нь асуудал болж гэж судалгааг гаргагчид мэдэгэдж байна.