СУРАГГҮЙ БОЛСОН ХҮҮГ ЦООНОГ ГАРГАН ХАЙЖ БАЙНА

Ховд аймгийн Булган сумын Баянгол багийн Хагшаал гэдэг газар оршин суугч долоон настай, эрэгтэй Б энэ сарын 14-ний өдрийн 13.00 цагт эмээгийнхээ гэр рүү явахаар гэрээсээ гараад өнөөдрийг хүртэл олдоогүй байна. Хүүхэд сураггүй болсон дуудлагыг Булган сум дахь Онцгой байдлын хэлтэс тухайн өдрийн 19.15 цагт өгсөн бөгөөд өнөөдрийн байдлаар онцгой байдлын найман албан хаагч, нэг автомашинтай, ЗДТГ-ын арван албан хаагч, нэг автомашинтай, Цагдаагийн таван албан хаагч, нэг автомашинтайгаар, нутгийн иргэдээс бүрдсэн 128 хүн, 11 техник хэрэгсэлтэйгээр эрэн хайж байна. Эрлийн ажиллагааг одоогоор голд үргэлжлүүлж байгаа бөгөөд хөлдсөн мөсөнд 37 цооног гаргаж, усчин аврагчид усанд шумбаж эрэн хайж байгаа юм байна. Усны гүн мөснөөс доошоо нэг метр 40 см байна гэж Ховд аймгийн Онцгой байдлын газраас мэдээллээ.