ЕРӨНХИЙ САЙД Б.ЛХАГВАСҮРЭНГ ЭРГЭЖЭЭ

Монгол Улсын Ерөнхий сайд У.Хүрэлсүх БНСУ-д айлчлал хийж байгаа билээ. Энэ үеэрээ өнгөрсөн долоо хоногт тус улсад мэс засалд орсон МУ-ын Хөдөлмөрийн баатар, Төрийн соёрхолт, Ардын уран зохиолч, Соёлын гавьяат зүтгэлтэн нэрт найрагч Б.Лхагвасүрэн гуайг эргэж очжээ.

Энэ талаар Сангийн сайд Ч.Хүрэлбаатар өөрийн фэйсбүүк хуудаснаа "Ерөнхий сайд У.Хүрэлсүх Ардын уран зохиолч Б.Лхагвасүрэн гуайг эмнэлэгт нь очиж эргэлээ. 7 цаг үргэлжилсэн хагалгаа амжилттай болжээ. Царай зүс нь сайхан байна аа.
"Ил үгтэй хүн Ил гал сайхан" гэж хэлдэг Лхагвасүрэн ах маань "Төр,түмнийхээ хайр, эмнэлэг, эмчийн хүчээр эрүүл боллоо" хэмээн өгүүлж сууна. Танд эрүүл энх, сайн сайхан бүхнийг хүсэн ерөөе" гэжээ.