ХӨВСГӨЛ НУУРТ ХАНХ СУМЫН ЕБС-ИЙН ФУРГОН АВТОМАШИН 11 ЗОРЧИГЧИЙН ХАМТ ЦӨМӨРЧЭЭ

Өчигдөр шөнө Хөвсгөл аймгийн Мөрөн сумаас Ханх чиглэлд зорчиж явсан фургон машин Хөвсгөл нуурт зорчигчтойгоо цөмөрчээ. Машинд 11 зорчигч сууж явсан бөгөөд бүгд эсэн мэнд гарч чадсан байна. Харин фургон машин нь нуурын гүнд орсон учраас татаж авах боломжгүй болжээ. Тус машин нь Ханх сумын ерөнхий боловсролын сургуулийн машин бөгөөд тус сургуулийн багш нар Мөрөн хотод залуу багш нарын тэмцээнд оролцоод буцаж явсан байна. Энэ жилийн хувьд нийт нутгаар дулаан байсан тул гол, мөрний ус бүрэн гүйцэд хөлдөөгүй гэдгийг Онцгой байдлын байгууллагаас сэрэмжлүүлсээр байтал иргэд хайнга болгоомжгүйн улмаас ийнхүү нуураар зорчсоор байгаа аж.